كيف تصيري نعومة ومدلعة

البنات يغاروا منك؟

لا تلمي شعرك ابدااا خليه محلول ويتحرك على حريته..

اذا كنت وسط مجموعة بنات او في عزومة احكي بصوت منخفض جدا يعني اخفضيه لاقصى حد وتكلمي ببطأ شديد ورقة وبنعومة ومطمطي بالكلام قد ما تقدري..

اجلسي على طرف الكرسي وحطي رجل على رجل..

اذا حدا قال كلمة شعبية وانت قاعدة.. حتى لو بتعرفيها ابتسمي وصيري قولي ايش ايش؟ ما فهمت..

اذا حدا قال اشي بضحك اضحكي بنعومة يعني شوي هيك ههههه وما تتقهقهي هيك كخخخخخكخخ لانو انت مش قاعدة بقهوة..

سبلي عيونك وحركي رموشك كثير وحاولي كثير تطلعي على السقف خليهم يقولو عنك خفيفة دم وخجولة..

لا تفتحي فمك وكانك عند طبيب اسنان وانت توكلي.. ونصيحتني ما تمضغي علكة بالمرة..

اذا طارت من جنبك حشرة مثلا شي صرصور زاحف ما تحاولي تهجمي عليه .. بس اصررررخي واركضي ولا تخافي من اشي بس اهربي من المكان وقولي ماماااا واصرخي...

في المدرسة ما تقعدي تركضي بين الطلاب وتلحقي البنات صاحباتك حتى لو بمزح.. ما تسحبي شعر هذه وتدغدغي هذيك.. امشي بهدوء وعند الكيوسك بالمدرسة لا تفوتي بزحمة الطلاب الي بشترو وظلك استني لحد ما تخلص الزحمة.. وبعدها روحي اشتري , لما تخلص السندويتشات..

من ناحية اللبس .. البسي كلشي عليه صور دببة وقطط وارانب واشكال والوان.. واهم اشي روحي محل اكسسوارات واشتري كل انواع الرباطات والبقل وحوطيها على شعرك..

لازم دايما تشتري دبب وعطر وقلوب وصور اطفال وحركات من هالنوع وكثري من الاشياء الغريبة خليهم يقولو عنك يماااااااا ما ادلعك...

طبعا لازم تقولي انك ما بتطبخي ولا بترتبي حتى غرفة نومك...

ولما حدا ينادي عليك... صيري اطلعي حواليك وقولي اناااا؟ اناااا؟ واعملي حالك مش فاهمة...

*تخيلي نفسك منى زكي*

*او نور مثلا*

*او ماريا لطالما احسستي....انسجمي بتفكير عميق*

*الان بدأت محاكمتك*
ماذا احسستي حينما سمعتي كلامي؟

اقلك انا؟

حسيتي انو لازم تغيري حالك او اقل ما فيها
تحاولي تغيري عادتك منشان تصيري مثل
اي شخصية اخترتيها من بين الثلاث شخصيات
رح قول كلمة حق الثلاث احلا من بعضهن
انت لمن سمعتي الكلام راح تفكيرك لبعيد
لدرجة انه عم تتخيلي
نفسك وانت عم تعملي يلي عم تقرأي فيه
وكمان صرتي تفكري اذا بتعملي هالشي
بكون لايق عليكي او يلي بتحبيه رح يتعلق فيكي
او انك رح تستفزي صديقاتك او يلي بتكرهيهين
بمعنى اصح
كل التفكير يلي دخلتي معاه بصراع كان من حقك
بس
هل هالشي رح يعطيكي غرور بنفسك
او
رح يخلي صديقاتك يحسين انو انت عم تتكبري عليهن
ويمكن
يبعدن عنك وتخسري صداقة
بمجرد
انك حاولتي تحسني حالك للاحسن؟
طبعا لا بحالة وحدة بس
عدم الغرور بنفسك لدرجة انه تشوفي حالك احسن من الكل

اقلك جاوبيني؟
او بمعني اصح
جاوبي حالك

ليش انت فكرتي انه بدك او بنفسك تصيري مثل
اي شخصية اخترتيها من بين الشخصيات الثلاث؟
^
^
^
^
^
جاوب انا؟
رح جاوبك شي بسيط كتير ما بدها كتير تفكير
يلي خلاكي تفكري هيك او اعطاكي هذا الاندفاع
من هيك شعور هوي نتيجة لشي واحد بس
عرفتيه؟
رح قلك ياه ببساطة بقلك ياها
ضعف شخصية

عندك اعتراض طبعا لا
عارفة ليش؟
لانه هالشي مزبوط وما في سبب غير هيك
يلي عنده ثقه بنفسه بكون راضي بالي الله
سبحانه وتعالى كتبله ياه

بدك نصيحة من اخوكي؟
رح اعطيكي نصيحة بتأمل انها تساعدك
يعني انا شاب كتبت هالكلام منشان
اعمل بينك وبين حالك صراع مش اكتر
وهالصراع رح يسعدك بالاول ويتعبك
بوسط الحكي ببداية المحاكمة
بس بالاخير انت يلي بتقرري تريحي اعصابك؟
وتصير عندك ثقة بنفسك
او
ترجع ثقتك لحالك
او
ما توخذي بالحكي بالمرة
بس
بعدين رح تواجهي هيك شي وتقولي كأني
كنت عارفة انه هالشي رح يصير في حدن نبهني
بس مين؟

.................

صدقيني صح انا شاب بس كل غرضي اعطيكي ثقة بحالك
يمكن مع اختبار كان صعب شوي بس بفيدك كتير
ورح تشوفي كيف انه رغم انك بعد ما تقرأي الكلام
رح تضلي تفكري فيه لو بعد يوم يومين رح تفكري فيه
لانه اهم شي الثقة بالنفس بس من دون غرور

اوك ما رح طول عليكي بالحكي

زائر

مشكووررررررررررررررررر

زائر

مشكوووووووووووووووووووور

زائر

مشكووووووووور

مشكووووووووووووووووووووووور